„ეს კიდევ ერთხელ ამტკიცებს თუ რამდენად აცდენილია „ქართული ოცნება“ დემოკრატიულ განვითარებას.“ – ასე ეხმაურება „ევროპული საქართველოს“ წევრი, ლაშა დამენია ივანიშვილის პიროვნების სკოლის სახელმძღვანელოებში გამოჩენას.
„განათლების მინისტრისგან ამ ნაბიჯის გადადგმა, როდესაც სასკოლო სახელმძღვანელოებში შეაქვს პოლიტიკურად ანგაჟირებული ფიგურების ბიოგრაფია და მათი დამსახურებები ქვეყნის წინაშე. ეს კიდევ ერთხელ მეტყველებს იმაზე თუ რაოდენ აცდენილია „ქართული ოცნება“ ქვეყნის დემოკრატიულ განვითარებას და ყველაფერს აკეთებს იმისთვის, რომ საბჭოთა კავშირის მსგავსად, როგორც ჩვეულებრივი პიროვნების კულტი, ისე წარმოაჩინოს ივანიშვილის დამსახურებები საქართველოს წინაშე.“ – განაცხადა დამენიამ