‘’ქართულ ოცნებას“ ქვეყანა მიჰყავს რუსეთისკენ, რაც ცალსახად ეწინააღმდეგება ქართველი ხალხის ინტერესს’’ – გიგი წერეთელი

gulis eleqsiri

‘’ხელისუფლებას საქართველო მიჰყავს რუსეთის სატელიტობამდე და არანაირად არ ემსახურება იმ ინტერესს, რაც აქვს ჩვენს მოსახლეობას ჩვენი სუვერენიტეტისა და ჩვენი თავისუფლების დაცვისთვის,’’ – ასე ეხმაურება ‘’ევროპული საქართველოს“ ლიდერი გიგი წერეთელი რუსეთის საგარეო საქმეთა სამინისტროს მიერ გავრცელებულ განცხადებას.

‘’რუსეთის ეს თავხედური განცხადება, მე მომისმენია ადრეც, მაგრამ ახლა, წინასაარჩევნოდ კიდევ უფრო სტრატეგიულად ჟღერს. როგორც ჩანს, ეს არის საქართველოს ხელისუფლების პოლიტიკის დამსახურება, იმ წაყრუებისა და პოლიტიკური თამაშის, რომელსაც ისინი აწარმოებენ ქვეყნის საზიანოდ, მაშინ როდესაც რუსეთმა ერთი ნაბიჯიც არ გადადგა იმისთვის, რომ ვალდებულებები შეასრულოს, დაიწყოს დეოკუპაცია, დევნილების დაბრუნება და ასე შემდეგ ან უბრალოდ შეაჩეროს მაინც ეს პროცესი, მაშინ საქართველოს ხელისუფლებისა და “ქართული ოცნების” წარმომადგენლები საუბრობენ ხელშეკრულებებზე, ჰუმანიტარულ საქმიანობებზე და სხვა. ეს რა თქმა უნდა, არის სწორედ ის გზა, რომელსაც მიჰყავს საქართველო რუსეთის ერთ-ერთ რეგიონამდე, რუსეთის სატელიტობამდე და არანაირად არ ემსახურება იმ ინტერესს, რაც აქვს ჩვენს მოსახლეობას ჩვენი სუვერენიტეტისა და ჩვენი თავისუფლების დაცვისთვის.’’- განაცხადა წერეთელმა

ცნობისთვის რუსეთის საგარეო საქმეთა სამინისტრომ სოციალურ ქსელში გაავრცელა განცხადება, სადაც რუსეთის დიპლომატიური უწყება მზადყოფნას გამოთქვამს საქართველოსთან ურთიერთობის დასალაგებლად.

წინა სტატიაშიწერეთელი: საზოგადოებამ ქართულ ოცნებას უნდა დაანახოს, რომ ისინი ერთპიროვნულად ვერ გადაწყვეტენ ვადამდელი არჩევნები დაინიშნება თუ არა
შემდეგი სტატიაკელი დეგნანი – არჩევნები გაიმართება ოქტომბერში, როგორც დაგეგმილი იყო, ნაადრევია საუბარი, რა იქნება ამ არჩევნების შემდეგ