ქარელის მუნიციპალიტეტში, ავტობანიდან სოფელ ახალსოფლამდე მისასვლელი გზის ნაწილი ჩაინგრა. ინფორმაციას ადგილობრივი მედია “ქართლის ამბები” ავრცელებს.
გავრცელებული ინფორმაციით, აღნიშნული ინფრასტრუქტურული პროექტი 2024 წელს განხორციელდა რეგიონული განვითარების ფონდისა და ადგილობრივი ბიუჯეტის ერთობლივი დაფინანსებით.
გზის საფარი მტკვრის სანაპიროს მონაკვეთზე ჩამოიშალა. უსაფრთხოების მიზნით, გადასასვლელ ხიდთან გზის ერთი მხარე დროებით დაკეტილია.
