პუტინს დრო ეწურება და უკრაინის მიმართ გეგმებს ცვლის – უკრაინელი გენერალი

უკრაინის საგარეო დაზვერვის სამსახურის ყოფილი უფროსი, არმიის გენერალი მიკოლა მალომუჟი აცხადებს, რომ ახლა რუსეთის ფედერაციის მთავარი მიზანი დონეცკის რეგიონის დაპყრობაა, მაგრამ ეს მცდელობები წარუმატებელია.

როგორც გენერალმა აღნიშნა, რუსეთის პრეზიდენტმა ჯარს ვადებიც კი დაუწესა, რომლითაც უნდა დაეპყრო დონეცკის რეგიონი. ეს ჯერ იყო 9 მაისი, შემდეგ ივნისი და ივლისი. მაგრამ ასე არ მოხდა.

„რესურსი იწურება, რუსეთის ფედერაცია კარგავს იმპულსს. და, ზოგადად, პუტინი დროის ზეწოლაშია. მას ომის დასრულება ჯერ კიდევ მარტში სურდა, ნატოში არ გაწევრიანების გარანტიებით და სანქციების მოხსნით. მაგრამ ამ მოდელმა არ იმუშავა, ამიტომ მეორე ეტაპზე გადავიდა“, – განაცხადა მალომუჟმა.

გენერალმა აღნიშნა, რომ ახლა რუსეთის ფედერაციის პრეზიდენტი ყველაფერს გააკეთებს სიტუაციის ესკალაციისთვის. მისი თქმით, პუტინი რუსეთის მოსახლეობას აყენებს ფაქტის წინაშე, თითქოს მათ დასავლეთი ემუქრება.

როგორც მალომუჟმა აღნიშნა, პუტინი ზეწოლას მოახდენს გერმანიაზე, იტალიაზე, საფრანგეთსა და თურქეთზე, რათა უკრაინა დათანხმდეს მოლაპარაკების პროცესს.

წინა სტატიაშიმაპატიეთ ჩემი ახირება, რის გამოც აგაფორიაქეთ, მაგრამ ეგეთი ჯიუტი კამეჩი ვარ ხომ იცით – გოგაშვილის მიმართვა
შემდეგი სტატიადაძაბული ვითარება ოკუპირებულ აფხაზეთში – ერთმანეთს ბჟანია და “ოპოზიციის” წევრები დაუპირისპირდნენ