რუსეთი ევროკავშირზე არ არის გაბრაზებული იმ ქმედებების გამო, რომელმაც ევროპასთან ურთიერთობის გაფუჭება გამოიწვია – განაცხადა რუსეთის პრეზიდენტმა ვლადიმირ პუტინმა პეტერბურგის საერთაშორისო ეკონომიკურ ფორუმზე.
მან განაცხადა, რომ დროა პოლიტიკა ბიზნესის პირისპირ დადგეს და რუსულ-ევროპული ნდობა დაიბრუნონ. პრეზიდენტის განცხადებით, აუცილებელია გეოპოლიტიკური რისკების შემცირება, რომელიც, ნაწილობრივ, მისი აზრით, ეკონომიკურ სირთულეებს უკავშირდება. მიუხედავად, ამისა, პუტინი თვლის, რომ ევროპასთან არსებული დაპირისპირების ინიციატორი რუსეთი არ ყოფილა, სანქციები კი, რომელიც მათ შემოიღეს, მხოლოდდამხოლოდ პასუხი იყო და არა ინიციატივა.
შეგახსენებთ, რომ გუშინ საფრანგეთის ყოფილმა პრეზიდენტმა ნიკოლა სარკოზმა განაცხადა, რომ რუსეთს ევროპამ აუცილებლად უნდა მოუხსნას სანქციები, რომელიც თავიდან რუსეთის ინიციატივით უნდა დაიწყოს.
