რუსეთის პრეზიდენტმა, ვლადიმირ პუტინმა ე.წ. სამხრეთ ოსეთთან პატიმრების გადაცემაზე ხელშეკრულების რატიფიცირება მოახდინა. შესაბამისი დოკუმენტი თვითგამოცხადებული რესპუბლიკის ოფიციალურ საიტზე გამოქვეყნდა – ადგილობრივი მედია წერს.
“მოხდეს რატიფიცირება ხელშეკრულების რუსეთის ფედერაციასა და სამხრეთ ოსეთს შორის თავისუფლებააღკვეთილი პირების გადაცემის შესახებ” – ნათქვამია გამოქვეყნებულ დოკუმენტში.
ხელშეკრულებას ხელი 2014 წლის 14 ოქტომბერს მოეწერა. დოკუმენტი რუსეთის დუმამ 19 თებერვალს მიიღო.