რუსეთის ფედერაციის პრეზიდენტმა ვლადიმირ პუტინმა განაცხადა, რომ მას ვერ წარმოუდგენია, რომ დონალდ ტრამპი, რომელიც სილამაზის კონკურსების ორგანიზატორია, რუსეთში “დაბალი სოციალური სტატუსის” მქონე გოგოებს ხვდებოდა – განცხადება მან მოლდოვას ლიდერთან იგორ დოდონთან გამართული შეხვედრის შემდეგ პრეს-კონფერენციაზე გააკეთა.
“თითქმის ვერ წარმომიდგენია, რომ ტრამპი, რომელიც სილამაზის კონკურსების ორგანიზატორია, რუსეთის ფედერაციაში, სასტუმროებში, დაქვეითებული სოციალური აქტიურობების გოგოებს ხვდებოდა” – განაცხადა პუტინმა და დაამატა, რომ აშშ-ს პრეზიდენტის დონალდ ტრამპის წინააღმდეგ სხვადასხვა ფაბრიკაციების შექმნა “უარესია, ვიდრე პროსტიტუცია”.
