რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომლის თანახმადაც რუსეთის მთავრობა დონეცკისა და ლუგანსკის ე.წ. სახალხო რესპუბლიკებში მცხოვრებ სამამულო ომის მონაწილეებს ერთჯერადი დახმარების სახით 10 000 რუბლს გადაუხდის. ინფორმაციას რუსული სამთავრობო მედია ავრცელებს.
„1941-1945 წლების დიდ სამამულო ომში გამარჯვების 77-ე წლისთავთან დაკავშირებით, გადავწყვიტე 2022 წლის მაისში გადავიხადო ერთჯერადი ანაზღაურება დიდი სამამულო ომის მონაწილეებისთვის, რომლებიც ცხოვრობენ უკვე გათავისუფლებულ ტერიტორიებში „დონეცკისა და ლუგანსკის სახალხო რესპუბლიკებში“, ერთჯერადი თანხა 10 ათასი რუბლის ოდენობით“, – აღნიშნულია კრემლის ლიდერის განკარგულებაში.
განკარგულებას ხელი 30 აპრილს მოეწერა და ძალაში შედის ხელმოწერის დღიდან.