რუსი დიქტატორი ვლადიმერ პუტინი პირველად გამოეხმაურა აშშ-ის განახლებულ სამშვიდობო გეგმას, თუმცა სწრაფად გახდა ნათელი, რომ მოსკოვი რეალურ კომპრომისს არ განიხილავს.
პრესკონფერენციაზე პუტინმა ერთდროულად უწოდა ვაშინგტონის წინადადებას „შეთანხმებების საფუძველი“ და იმავე დროს კვლავ წამოსცდა ულტიმატუმის მსგავსი ტერიტორიული მოთხოვნები. Sky News-ის შეფასებით, ეს მკაფიო სიგნალია, რომ კრემლი პოზიციებს არ თმობს.
სიტყვის დასაწყისში პუტინი თავს კონსტრუქციულად აჩვენებდა – ტრამპის გეგმას „პერსპექტიული“ უწოდა და მოლაპარაკებებისადმი მზადყოფნაზეც ილაპარაკა. მაგრამ როდესაც საუბარი დეტალებს შეეხო, მან ისევ დააყენა მოთხოვნა: საერთაშორისო საზოგადოებამ აღიაროს რუსეთის სუვერენიტეტი ყირიმსა და დონბასზე. ეს პუნქტი ახალი პროექტიდან ამოღებულია, თუმცა პუტინის თქმით, მოსკოვი მის დაბრუნებას მოითხოვს.
მან პირდაპირი მუქარაც გააჟღერა:
„უკრაინულმა ძალებმა უნდა დატოვონ დაკავებული ტერიტორიები. თუ არ დატოვებენ – ამას ჩვენ სამხედრო ძალით მივაღწევთ.“
