„დღეიდან პუშკინის სკვერი არის ივანიშვილის გარაჟი და ბოტანიკური ბაღი – ივანიშვილის პირადი ბოსტანი. ეს გააკეთა საკრებულოს ქართულმა ოცნებამ,“- ეს განცხადება ნაციონალური მოძრაობის თბილისის მერობის კანდიდატმა გააკეთა.
ზალიკო უდუმაშვილმა შაბათს, 14:00 საათზე, რუსთაველის მეტროსთან ფართომასშტაბიანი აქცია დაანონსა.
„ეს ადგილი აღარ არის პუშკინის სკვერი. საკრებულოს უმრავლესობის გადაწყვეტილებით ამ ადგილს ჰქვია “ბიძინა ივანიშვილის პირადი გარაჟი”. ეს გადაწყვეტილება თბილისის სამარცხვინო უმრავლესობამ მიიღო,“ – აღნიშნა ზალიკო უდუმაშვილმა.
მისი თქმით, საკრებულოს შენობასთან ნაციონალური მოძარობის მიერ გამართულ აქციაზე დაკავებულია მათი ათამდე თანამებრძოლი, რომელთა ადგილსამყოფელი უცნობია. ოპოზიცია ბიძინა ივანიშვილისთვის თბილისში მიწების გადაცემას აპროტესტებს.
