“ფსიქიატრიულ დაწესებულებაში ფიზიკური შეზღუდვის კანონით დადგენილი მოთხოვნების დარღვევას სისტემატური ხასიათი აქვს”

news
ავტ.: news ივნისი 24, 2016 20:03

“ფსიქიატრიულ დაწესებულებაში ფიზიკური შეზღუდვის კანონით დადგენილი მოთხოვნების დარღვევას სისტემატური ხასიათი აქვს”

ომბუდსმენის ოფისისის მიერ მომზადებულ ანგარიშში აღწერილია ფსიქიატრიულ დაწესებულებებში არსებული მძიმე მდგომარეობა, სადაც პაციენტთა გარდაცვალების ფაქტები შემაშფოთებელია. ამის შესახებ სახალხო დამცველმა უჩა ნანუაშვილმა პლენარულ სესიაზე სიტყვით გამოსვლისას აღნიშნა.

,,საქართველოს ფსიქიკური ჯანმრთელობის სისტემა რესურსების მკვეთრ ნაკლებობას განიცდის. ფსიქიატრიულ დაწესებულებებში ვიზიტის განხორცილებისას, მონიტორინგის ჯგუფმა მიიღო არა ერთი შეტყობინება პაციენტთა მიმართ ფიზიკური ძალადობისა და სიტყვიერი შეურაცხყოფის შესახებ, – აღნიშნა სახალხო დამცველმა.

როგორც უჩა ნანუაშვილმა განაცხადა, მონიტორინგმა ცხადჰყო, რომ ფსიქიატრიულ დაწესებულებაში ფიზიკური შეზღუდვის კანონით დადგენილი მოთხოვნების დარღვევას აქვს სისტემატური ხასიათი.

“პაციენტთა გამოკითხვით დადგინდა, რომ ხშირად ხდება მათი დაბმა ხანგრძლივი დროის განმავლობაში, რა პერიოდშიც მათზე არ ხდებოდა ადეკვატური ზედამხედველობა”, – აღნიშნა სახალხო დამცველმა.

მისი შეფასებით, ფსიქიატრიულ დაწესებულებებში იმყოფებიან პაციენტები, რომელთაც პირობითად შეიძლება ვუწოდოთ უვადო პაციენტები, “რომლებიც თვეებისა და წლების მანძილზე გაუსვლელად იმყოფებიან სტაციონარში, რადგან ახლობელი მათ სახლში წაყვანას თავს არიდებს. განსაკუთრებულ შეშფოთებას იწვევს პაციენტთა გარდაცვალების ფაქტები,“ – აღნიშნა სახალხო დამცველმა პლენარულ სესიაზე სიტყვით გამოსვლისას.

news
ავტ.: news ივნისი 24, 2016 20:03

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


15,060
ვიზიტორი
დღეში
Powered By Google Analytics