პროკურორის განცხადებით, მიმდინარეობს დადგენა, ჰქონდა თუ არა ტერორისტულ ორგანიზაციასთან კავშირი ქობულეთში დაკავებულ ქალს

თაიმერი timer.ge
ავტ.: თაიმერი timer.ge ნოემბერი 28, 2017 16:32

პროკურორის განცხადებით, მიმდინარეობს დადგენა, ჰქონდა თუ არა ტერორისტულ ორგანიზაციასთან კავშირი ქობულეთში დაკავებულ ქალს

მნიშვნელოვანი

  • ქობულეთში სპეცოპერაციისას დაკავებულ თურქეთის მოქალაქე ქალს, შესაძლოა, ტერორიზმთან ჰქონდეს კავშირი. აღნიშნულ ინფორმაციას „აჭარის ტელევიზია“, საქმის პროკურორზე დაყრდნობით ავრცელებს.

სხვა სტატიები

ქობულეთში სპეცოპერაციისას დაკავებულ თურქეთის მოქალაქე ქალს, შესაძლოა, ტერორიზმთან ჰქონდეს კავშირი. აღნიშნულ ინფორმაციას „აჭარის ტელევიზია“, საქმის პროკურორზე დაყრდნობით ავრცელებს.

ბრალდებულისთვის აღკვეთის ღონისძიების შეფარდებაზე ბათუმის საქალაქო სასამართლომ დღეს იმსჯელა. როგორც ტელეკომპანია აღნიშნავს, ბრალის შესახებ საუბრისას პროკურორმა პროცესზე ახსენა, რომ მიმდინარეობს საგამოძიებო მოქემდებები, რათა დადგინდეს, ჰქონდა თუ არა რომელიმე ტერორისტულ ორგანიზაციასთან კავშირი ბრალდებულ თურქეთის მოქალაქეს.

გარდა ამისა, „აჭარის ტელევიზიის“ ინფორმაციით, საქმის მასალებიდან ირკვევა, რომ ცეცხლსასროლი იარაღი და საბრძოლო მასალა ამოღებულია ბრალდებულის დროებითი საცხოვრებელი სახლის ჩხრეკისას ბათუმსა და ქობულეთში. ასევე, სამართალდამცველებმა ერთ-ერთი მდინარის პირას ჩამარხულ კასრში ხელყუმბარები იპოვეს.

თურქეთის მოქალაქე ქობულეთში 25 ნოემბერს ჩატარებული სპეცოპერაციის შედეგად დააკავეს. მას ბრალად ცეცხლსასროლი იარაღისა და საბრძოლო მასალის უკანონოდ შეძენა-შენახვა ედება.

თაიმერი timer.ge
ავტ.: თაიმერი timer.ge ნოემბერი 28, 2017 16:32

Google სტატისტიკა


3,399
ვიზიტორი
დღეში
Powered By Google Analytics