პროკურატურის განცხადება ნიშნავს პოლიტიკური დევნის დაწყებას – რომან გოცირიძე

თაიმერი timer.ge
ავტ.: თაიმერი timer.ge ივლისი 5, 2019 12:44

პროკურატურის განცხადება ნიშნავს პოლიტიკური დევნის დაწყებას – რომან გოცირიძე

20 ივნისის აქციის მონაწილეების დაკავებას პოლიტიკურ შურისძიებად აფასებს ოპოზიცია. ხელისუფლების ოპონენტები აცხადებენ, რომ „ქართული ოცნება“ შეკერილი ბრალდებით ცდილობს სისხლიან მოვლენებზე პასუხისმგებლობა თავიდან აიცილოს და ახალგაზრდებისთვის ნასროლი სასიკვდილო ტყვიები მოგერიების აუცილებლობით გაამართლოს.

პარლამენტის ფრაქცია ”ნაციონალური მოძრაობის” თავმჯდომარე, რომან გოცირიძე აცხადებს, რომ ამბოხებაზე საუბარი ხელისუფლების მხრიდან უკვე სახიფათო გახდა, რადგან პოლიტიკური რეპრესიები დაიწყეს.

„ის აბსურდული კვალიფიკაცია, რომელიც მისცა ამ საპროტესტო მოვლენებს პროკურატურამ, თითქოსდა ხდებოდა სახელმწიფო გადატრიალება, უკვე სცდება იმ კომიკური მსგავსი შემთხვევების ფარგლებს, რაც არაერთხელ გვინახია, რომ თითქოს საბურავების დაწვას თუ დალაგებას ვაპირებდით და თუ ეს იყო პოლიტიკურ წრეებში სასაცილო მოვლენა. უკვე არაადეკვატური ხელისუფლება ამ სასაცილოს აქცევს ძალიან სახიფათოდ იმიტომ, რომ ეს განცხადება, ფაქტობრივად, ნიშნავს პოლიტიკური დევნის, რეპრესიების დაწყებას. რუსეთის მიერ გაკეთებული განცხადებები აბსოლუტურად იდენტურია ხელისუფლების მიერ ჩატარებული ქმედებებისა, კვალიფიკაცია იყო როგორც სახელმწიფო გადატრიალების მცდელობა და პირველად ეს სიტყვა იხმარა გავრილოვმა და შემდეგ მუქარა რუსეთის ხელისუფლების მაღალჩინოსნების მიერ ფაქტობრივად, შეასრულა საქართველოს ხელისუფლებამ და ეწევა სადამსჯელო ქმედებებს რუსეთის დავალებით,“ – განაცხადა რომან გოცირიძემ.

შეგახსენებთ, ჯგუფური ძალადობისთვის აქციის 4 მონაწილეა დაკავებული. ამის პარალელურად კი, პროკურატურა ამბოხების ორგანიზებასაც იძიებს, რა შემთხვევაშიც ძიების ინტერესი ოპოზიციის ლიდერები არიან.

თაიმერი timer.ge
ავტ.: თაიმერი timer.ge ივლისი 5, 2019 12:44

Google სტატისტიკა


3,427
ვიზიტორი
დღეში
Powered By Google Analytics