საქართველოს პროკურატურაში კორონავირუსით გარდაცვლილი 20 წლის ფეხბურთელის, ვახტანგ ჩარკვიანის მამა, გაიოზ ჩარკვიანი გენერალურ პროკურორ გიორგი გვარაკიძეს ხვდება. აღნიშნულ უწყებაში მხარეებს შორის შეხვედრა გუშინაც გაიმართა.
გაიოზ ჩარკვიანი, რომელიც შვილის გარდაცვალების საქმეზე ექიმების პასუხისმგებლობის დაყენებასა და სამართლიანობის აღდგენას ითხოვს, რამდენიმე დღეა პროკურატურასთან შიმშილობს.
საპასუხოდ, საქართველოს პროკურატურამ განმარტა, რომ გამოძიება 2021 წლის 8 ოქტომბერს, გაიოზ ჩარკვიანის განცხადების საფუძველზე დაიწყო და მიმდინარე სისხლის სამართლის საქმის ფარგლებში დევნა უკვე განხორციელდა 3 პირის მიმართ.
შეგახსენებთ, რომ 20 წლის ფეხბურთელი ვახტანგ ჩარკვიანი 2021 წლის 10 სექტემბერს, რესპუბლიკურ საავადმყოფოში გარდაიცვალა. ოჯახი მომხდარში მედიკოსებს ადანაშაულებს.
