გენერალურ პროკურატურაში, “კოალიცია ცვლილებისთვის” ერთ-ერთი ლიდერი, ზურაბ გირჩი ჯაფარიძე დაიბარეს.
ჯაფარიძე “არჩევნების გაყალბების საქმის გამოძიების” ფარგლებში, საგამოძიებო უწყებაში 6 ნოემბერს, 13:00 საათზე, მოწმის სახით გამოკითხვაზეა დაბარებული.
ამ დროისთვის, უცნობია მივა თუ არა ზურაბ გირჩი ჯაფარიძე გამოკითხვაზე.
შეგახსენებთ, რომ რამდენიმე წუთის წინ ცნობილი გახდა, რომ პროკურატურაში გამოკითხვაზე “ძლიერი საქართველოს” ლიდერი, მამუკა ხაზარაძეც დაიბარეს.
