ბელგიის პროკურატურამ დაადასტურა, რომ აეროპორტზე თავდასხმაში მონაწილე მეორე თვითმკვლელი ტერორისტი ნაჯიმ ლაშროუი იყო. მეორე თვითმკვლელი ტერორისტის ვინაობა დე-ენ-ემის ანალიზმა დაადგინა.
მანამდე პროკურატურამ დაადგინა, რომ ერთ-ერთი თავდამსხმელი, რომელმაც აეროპორტში აიფეთქა თავი, ბელგიის მოქალაქე, 29 წლის იბრაჰიმ ალ-ბაკკროუი იყო. მისმა ძმამ, ასევე ბელგიის მოქალაქემ 27 წლის ხალიდ ალ-ბაკროუიმ ბრიუსელს მაალბეკის მეტროსადგურში აიფეთქა თავი.
ვარაუდობენ, რომ სწორედ ნაჯიმ ლაშროუიმ დაამზადა ასაფეთქებელი მოწყობილობები, რომლებიც ბრიუსელისა და პარიზის ტერაქტების დროს თვითმკვლელებმა გამოიყენეს.