პროკურატურა მელიას დაკავებას დიპლომატიური პასპორტის გამო ითხოვს – პროკურორი

თაიმერი timer.ge
ავტ.: თაიმერი timer.ge ივნისი 26, 2019 11:00

პროკურატურა მელიას დაკავებას დიპლომატიური პასპორტის გამო ითხოვს – პროკურორი

მთვარი პროკურატურა ნიკა მელიას პატიმრობის მოთხოვნის ერთ-ერთ მთავარ არგუმენტად მის დიპლომატიურ პასპორტს ასახელებს – ამის შესახებ პარლამენტში მყოფმა პროკურორმა, ამირან გულუაშვილმა განაცხადა და დასძინა, რომ დიპლომატიური პასპორტი მელიას საშულებას აძლევს, მარტივად გადაკვეთოს საქართველოს საზღვარი.

„შეკრებილია მტკიცებულებათა ერთობლიობა, რაც საკმარისია დასაბუთებული ვარაუდისათვის, რომ სწორედ ნიკანორ მელიამ ჩაიდინა მისთვის ბრალად შერაცხული ქმედება.

ნიკანორ მელიას ბრალად ედება საზოგადოებრივი უშიშროებისა და წესრიგის წინააღმდეგ მიმართული მძიმე კატეგორიის ძალადობრივი დანაშაულის ჩადენა, რაც სასჯელის სახით უალტერნატივოდ ითვალისწინებს თავისუფლების აღკვეთას ხანგრძლივი ვადით.

შს სამინისტროს ოფიციალური მონაცემებით, მელიას საზღვარი გადაკვეთილი აქვს 24-ჯერ, სარგებლობს დიპლომატიური პასპორტით და მისი გამოყენებით, 6-ჯერ აქვს გადაკვეთილი საზღვარი,“- აცხადებს ამირან გულუაშვილი.

როგორც პროკურორი ამბობს, მელიას უკვე შეფარდებული აქვს გირაო, თუმცა მან ისევ ჩაიდინა დანაშაული, რაც იმის დასტურია, რომ მსუბუქი აღკვეთის ღონისძიების შემთხვევაში, არსებობს ალბათობა, რომ ისევ ჩაიდინოს.

თაიმერი timer.ge
ავტ.: თაიმერი timer.ge ივნისი 26, 2019 11:00

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,373
ვიზიტორი
დღეში
Powered By Google Analytics