პროკურატურა გიორგი შაქარაშვილის მკვლელობის საქმეზე ორი არასრულწლოვნისთვის მაქსიმალურ სასჯელს ითხოვს

პროკურატურა გიორგი შაქარაშვილის მკვლელობის საქმეზე ორი არასრულწლოვნისთვის მაქსიმალურ სასჯელს ითხოვს.

პროკურორ დავით ყაზარაშვილის განცხადებით, სასამართლო არასრულწლოვნებს სავარაუდოდ 12 წლით თავისუფლების აღკვეთას მიუსჯის. მისი თქმით, საქმეში საკმარისი მტკიცებულებებია, რომ სასჯელის ნაწილში სასამართლო მკაცრი იყოს.

„დღეს უკვე გამოტანილია განაჩენი. ხუთივე დამნაშავედ ცნობილია. 12 წელია მაქსიმალური სასჯელი. ჩვენ მაქსიმალური მოვითხოვეთ და ველოდებით. რაც შეეხება ოდენობას, სასამართლო იტყვის და ყველა ერთად გავიგებთ. პირდაპირი მტკიცებულება რა საქმეშიც არაა, იქ დგება გამამართლებელი. დასტურდება მსჯავრდებულების მიერ შაქარაშვილის მკვლელობა“, – განაცხადა დავით ყაზარაშვილმა.

მცხეთის რაიონულმა სასამართლომ გიორგი შაქარაშვილის განზრახ ჯგუფურად მკვლელობის საქმეზე განაჩენი 9 მარტს გამოაცხადა და საქმეზე ბრალდებული ხუთივე პირი დამნაშავედ ცნო. საქმის განმხილველი მოსამართლის, ბიძინა სტურუას გადაწყვეტილებით, მათგან სამს, არჩილ გაგნიძეს, ვახტანგ ჩიქოვანსა და ნიკოლოზ რევაზიშვილს, თითოეულს 16 წლით თავისუფლების აღკვეთა მიესაჯა. ორი არასრულწლოვნის, ა.ქ.-სა და ზ.ხ-ს მიმართ კი სასჯელის ზომა დღეს გამოცხადდება.

ვირუსის ბლოკატორები
წინა სტატიაშიირაკლი ხმალაძე – ჩვენთვის მთავარია მივიღოთ არა სწრაფი, არამედ სწორი გადაწყვეტილება
შემდეგი სტატიაჯაფარიძე – ევროკავშირს უკეთ ესმით საქართველოში პოლიტიკური კრიზისის განმუხტვის მნიშვნელობა, ვიდრე ხელისუფლებას