ფრიდონ ინჯია ახალ პარტიას „ევროპელ სოციალისტებს” აყალიბებს

თაიმერი timer.ge
ავტ.: თაიმერი timer.ge იანვარი 5, 2021 13:19

ფრიდონ ინჯია  ახალ პარტიას „ევროპელ სოციალისტებს” აყალიბებს

„პარლამენტში შესვლასთან ერთად, მე ვტოვებ „პარტიორტთა ალიანსს, – ამის შესახებ პარლამენტში პარტია „პატრიოტთა ალიანსის” პარტიული სიით შესულმა დეპუტატმა, ფრიდონ ინჯიამ ბრიფინგზე განაცხადა.

როგორც მან ჟურნალისტებს განუცხადა, ის ახალ პარტიას „ევროპელ სოციალისტებს” აყალიბებს, რომლის ყრილობასაც უახლოეს პერიოდში გეგმავს.

„პარლამენტში შესვლასთან ერთად, მე ვტოვებ „პარტიორტთა ალიანსს”. ეს ჩემთვის მტკივნეული გადაწყვეტილებაა, რადგანაც წლების განმავლობაში, ბევრი რამ მაქვს გაკეთებული ამ პარტიის წინსვლისა და წარმატებისთვის. ბევრი რამ გვაქვს გაკეთებული, ვიდრე ეს რამდენიმე ასეული ათასი ლარით აისახება, როგორც შენატანი. დარწმუნებული ვარ, რომ ქვეყნის მოსახლეობის უდიდესი უმრავლესობა ჩვენს გადაწყვეტილებას დადებითად შეაფასებს. ამასთანავე, არ შემიძლია მადლობა არ გადავუხადო პარტიის თავმჯდომარეს, დავით თარხან-მოურავს, გენერალურ მდივანს ირმა ინაშვილს, რომ მოგვცა საშუალება ვიყოთ ამ პარლამენტში ამ სტატუსით”, – განაცხადა ფრიდონ ინჯიამ.

ცნობისთვის, ფრიდონ ინჯია პარლამენტში მას შემდეგ შევიდა, რაც „პატრიოტთა ალიანსის” პარტიული სიის სამმა წევრმა სადეპუტატო უფლებამოსილებაზე უარი თქვა.

თაიმერი timer.ge
ავტ.: თაიმერი timer.ge იანვარი 5, 2021 13:19

Google სტატისტიკა


5,105
ვიზიტორი
დღეში
Powered By Google Analytics