“პრეზიდენტმა კანონპროექტს ვეტო უნდა დაადოს” – გიორგი გოცირიძე

თაიმერი timer.ge
ავტ.: თაიმერი timer.ge მაისი 30, 2016 20:34

“პრეზიდენტმა კანონპროექტს ვეტო უნდა დაადოს” – გიორგი გოცირიძე

gociridzeსაკონსტიტუციო სასამართლოს კანონპროექტთან დაკავშირებით პრეზიდენტის გადაწყვეტილებას ელოდებიან არასამთავრობო ორგანიზაციების წარმომადგენლები. ისინი აცხადებენ, რომ კანონი იმ ფორმით, რა ფორმითაც მმართველმა გუნდმა მიიღო ძალაში არ უნდა შევიდეს. მათი თქმით, ეს დაადასტურა ვენეციის კომისიამაც, რომელმაც ყველა ის კრიტიკული შენიშვნა გაიზიარა, რომლებიც ადგილობრივ არასამთავრობო ორგანიზაციებს აქვთ.

“კანონის ის რედაქცია, რომელიც ბოლოს იქნა მიღებული, იმსახურებს ძალიან სერიოზულ რეაგირებას და ეს კიდევ ერთხელ გაამყარა ვენეციის კომისიამ, რომელმაც გაიზიარა ყველა ის შენიშვნა რომელიც ჰქონდათ ადგილობრივ ორგანიზაციებს კანონპროექტთან დაკავშირებით“ – განაცხადა ადამიანის უფლებების სწავლებისა და მონიტორინგის ცენტრის იურისტმა სოფო ვერძეულმა.

საქართველოს ახალგაზრდა იურისტთა ასოციაციის საკონსტიტუციო სამართალწარმოების იურისტის გიორგი გოცირიძის თქმით, პრეზიდენტმა კანონპროექტს ვეტო უნდა დაადოს.

“იმისთვის, რომ სარჩელი დაკმაყოფილდეს პლენუმის მიერ, საჭიროა 6 წევრმა დაუჭიროს სარჩელის დაკმაყოფილებას მხარი. ვფიქრობთ საქართველოს პრეზიდენტმა უნდა დაადოს ვეტო ამ კანონპროექტს და მოტივირებული შენიშვნებით უნდა დაუბრუნოს პარლამენტს,“ – აღნიშნა გოცირიძემ.

თაიმერი timer.ge
ავტ.: თაიმერი timer.ge მაისი 30, 2016 20:34

Google სტატისტიკა


2,535
ვიზიტორი
დღეში
Powered By Google Analytics