არასაპარლამენტო ოპოზიცია პრეზიდენტის ვეტოს მოლოდინშია. ოპოზიცია გიორგი მარგველაშვილს სთხოვს, რომ ხელი არ მოაწეროს საარჩევნო კოდექსში შესატან ცვლილებებს, რომელიც უფასო სარეკლამო დროის ახლებურ გადანაწილებას ითვალისწინებს.
ცვლილებების მიხედვით, 5 კვალიფიციური სუბიექტის ნაცვლად, უფასო სარეკლამო დრო 11-ზე გადანაწილდება, ზრდა კი იმან განაპირობა, რომ უფასო დროს კოალიციით არჩევნებზე გასული პარტიებიც მიიღებენ.
ვეტოს საკითხის განხილვამდე პრეზიდენტი ოპოზიციის მიმართვას ეხმაურება და მზად არის საარჩევნო კოდექსზე სასაუბროდ მოლაპარაკებები შედგეს.
ცვლილებების პროექტი პარლამენტმა ორი მოსმენით უკვე დაამტკიცა.