საპარლამენტო უმრავლესობაში ფიქრობენ, რომ პრეზიდენტის განცხადება “გაზპრომთან” გაფორმებულ ხელშეკრულებასთან დაკავშირებით იყო “დაუფიქრებელი.” მმართველ გუნდში განმარტავენ, რომ კახი კალაძესთან მარგველაშვილს კომუნიკაცია არ ჰქონია.
„ყველანი ვცდილობთ, რომ პრეზიდენტის განცხადება ჩვენ, პარლამენტარებმა, არ წარმოვაჩინოთ ისე, როგორც ახალი დაპირისპირება, თუმცა პრეზიდენტი თავად ამას არ ფიქრობს, დაუფიქრებელი განცხადება არის გაკეთებული და სულ მცირე, არაკომპეტენტურობის მაჩვენებელი,“ – განაცხადა გია ვოლსკიმ.
