პრეზიდენტის გადაწყვეტილება არ უტოვებს “ოცნებას” მანევრის საშუალებას და აყენებს დილემის წინაშე – ხუხაშვილი

“ზურაბიშვილის გადაწყვეტილებას ყველა განიხილავს ფარცხალაძის პრობლემების პრიზმაში და აკეთებენ შესაბამის ნეგატიურ დასკვნებს, რაც ჩემის აზრით ძალიან ზედაპირული მიდგომაა.

სინამდვილეში, ამ თემას უნდა შევხედოთ ხელისუფლების პრობლემების კუთხით და დავინახავთ, რომ ზურაბიშვილის მხრიდან გადაწყვეტილების დაპაუზება სერიოზულ დისკომფორტს უქმნის ამ უკანასკნელს, რომლის მიზანია ამ ისტორიის ჩაფარცხვა და თურნავას ბრძანების შენარჩუნება გაურკვეველი ვადით, პოტენციური ფარცხალაძეებისთვის დაცვის ილუზიის შექმნის მიზნით.

პრეზიდენტის გადაწყვეტილება არ უტოვებს მათ მანევრის საშუალებას და აყენებს დილემის წინაშე – ან ფარცხალაძე უნდა გამოაცხადონ ჯაშუშად, ან უდანაშაულოდ და შესაბამისად არ დაემორჩილონ სანქციებს, ანუ აამოქმედონ თურნავას ბრძანება და ააფეთქონ შენელებული მოქმედების ნაღმი.

ეს უნდა გააკეთონ ძალიან სწრაფად, რადგან თუ დრო გაწელეს, გამოვა რომ ან თურნავას ბრძანება არ მუშაობს, ან სანქციები. ორივე უბედურებაა მათთვის.”- წერს გია ხუხაშვილი.

banner
წინა სტატიაშიშალვა პაპუაშვილი ვენეციის კომისიის პრეზიდენტს წერილით მიმართავს და 12 რეკომენდაციის შესასრულებლად მიღებული დოკუმენტაციის სამართლებრივ შეფასებას სთხოვს
შემდეგი სტატიადეკანოიძე – როგორც ჩანს, ხელისუფლება აპირებს ნიკა მელიას წინააღმდეგ სისხლის სამართლის საქმე აღძრას, ეს ნიშნავს, საბოტაჟს კანდიდატის სტატუსის მიმართულებით