პრეზიდენტი ვოლოდიმირ ზელენსკი უკრაინელი სამხედროების რუსეთის ფედერაციის ბელგოროდის ოლქში ყოფნას ადასტურებს.
“მთავარსარდალმა ალექსანდრ სირსკიმ დღეს ცალკე წარმომიდგინა მოხსენება: ფრონტი, ჩვენი ყოფნა კურსკის ოლქში და ჩვენი ყოფნა ბელგოროდის ოლქში. ვაგრძელებთ აქტიურ ოპერაციებს მტრის ტერიტორიაზე სასაზღვრო რაიონებში და ეს აბსოლუტურად სამართლიანია – ომი უნდა დაბრუნდეს იქ, საიდანაც მოვიდა”, – თქვა ზელენსკიმ.
როგორც ზელენსკიმ აღნიშნა, ამ ოპერაციის მთავარი მიზანი უკრაინის მოსახლეობის დაცვაა სუმისა და ხარკივის ოლქებში, რომლებიც რუსეთის მხრიდან სისტემატურად იბომბებიან.
