პრეზიდენტი ვერანაირად ვერ გაამართლებს, ვინც პოლიციაზე ძალადობდა

თაიმერი timer.ge
ავტ.: თაიმერი timer.ge აგვისტო 24, 2019 22:38

პრეზიდენტი ვერანაირად ვერ გაამართლებს, ვინც პოლიციაზე ძალადობდა

არავისზე ნაკლებად არ მტკივა ახალგაზრდები, ვინც თვალი დაკარგა, თუმცა პრეზიდენტი ვერ გაამართლებს, ვინც ქვეყნის ინსტიტუტებს აყენებდა საფრთხის ქვეშ, – ამის შესახებ საქართველოს პრეზიდენტმა, სალომე ზურაბიშვილმა კონსტიტუციის დღისადმი მიძღვნილ მიღებაზე განაცხადა.

ამასთან, სალომე ზურაბიშვილმა განაცხადა, რომ სიძულვილის ენა და საზოგადოების პოლარიზაცია უკან გვაბრუნებს და სახელმწიფოს ძირს უთხრის

„აზრთა სხვადასხვაობა აუცილებელია, მაგრამ საზოგადოების დაყოფა, სიძულვილის ენა და საზოგადოების პოლარიზაცია უკან გვაბრუნებს და სახელმწიფოს ძირს უთხრის. ადამიანის უფლებების დაცვა არის არა მხოლოდ ჩემი მოვალეობა, მაგრამ ჩემი ყოველდღიური საზრუნავი სხვდასხვა ფორმით და სხვდასხვა ძალისხმევით.

მე, პირადად და ვიცი რომ თქვენც, არავისზე ნაკლებად არ მტკივა და არ გვტკივა, იმ ახალგაზრდებზე ვინც თვალი დაკარგა და მათ შორის ერთმა პოლიციელმა 20 ივნისის მოვლენების დროს. ეს ჩვენი ყველასი ტკივილია და ყველანი ერთად ვიზიარებთ ამ ტრაგედიას. თუმცა, პრეზიდენტი ვერანაირად ვერ გაამართლებს, ვინც პოლიციაზე ძალადობდა, პარლამენტზე შტურმით ქვეყნის ინსტიტუტებს აყენებდა საფრთხის ქვეშ.

კონსტიტუციის გარანტორობა ამას ნიშნავს. პროტესტი არათუ მისაღებია, არამედ განუყოფელი ნაწილია დემოკრატიის. თუმცა, სახელმწიფოს და მისი ინსტიტუტების შეტევა არის უმძიმესი დანაშაული მით უმეტეს ქვეყანაში, რომელსაც ოკუპირებული ტერიტორიები აქვს“, – განაცხადა სალომე ზურაბიშვილმა.

თაიმერი timer.ge
ავტ.: თაიმერი timer.ge აგვისტო 24, 2019 22:38

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,315
ვიზიტორი
დღეში
Powered By Google Analytics