პრეპარატი „ლირიკა“ დიდი მოთხოვნით სარგებლობს სოხუმელ ნარკომანებში. რუსეთ-აფხაზეთის საზღვარზე,პსოუს საბაჟო-გამშვებ პუნქტზე, ხშირია შემთხვევები, როცა ნარკო-გამყიდველებისთვის თუ ნარკომანებისთვის ჩამოურთმევიათ ეს პრეპარატი, თუმცა ადლერის ზოგ აფთიაქში ის თავისუფლად, რეცეპტის გარეშეიყიდება, ამიტომ ოფიციალურად ნარკოტიკს ვერ უწოდებ. ამბობენ, თუკი 2 ლიტრ წყალს უცებ, სულმოთქმელად დალივ, ესეც ჩაგაგდებს ეიფორიაშიო.
აფხაზეთში სამი სახეობის ნარკომანია: პირველ ადგილზე არიან „ბალახის მწეველები“ – მარიხუანის კლიენტები, მეორეზე მეტადონის მომხმარებლები – „მეტადონშჩიკები“, რომლებიც ნემსზე ზიან, ხოლო მესამეზე – ვინც ფსიქოტროპულ პრეპარატებს ღებულობს, როგორც „ლირიკაა“; ნაკლებად ხმარობენ ბაკლოსანს, ტროპიკამიდს.არიან ისეთებიც, რომლებიც ყველაფერს იყენებენ. აფხაზეთში ისეთი პრეპარატები, როგორც „ლირიკაა“, აკრძალულია. ამიტო მას ყიდულობენ რუსეთში, კერძოდ ადლერში, სადაც თავისუფალ გაყიდვაშია. 300 მილიგრამიანი 14 კაფსულა სადღაც 1000 რუბლი ჯდება.
„როცა მე ჩემს რუს კოლეგებს ვკითხე „ლირიკის“ შესახებ, მათ მითხრეს, რომ რუსეთში „ლირიკაზე“ დამოკიდებულები, პრაქტიკულად, არ არიან, ეს თქვენი პაციენტები ჩამოდიან ჩვენთან და „ლირიკაზე“ გვეუბნებიანო.მაგრამ რუსეთში, ნარკოლოგების ბოლო კონფერენციაზე, საუბარი იყო იმაზე, რომ საერთოდ ამოიღონ ეს პრეპარატი გაყიდვიდან ან მკაცრი კონტროლი დააწესონ“ – ყვება ნარკოდისპანსერის მთავარი ექიმი ირმა ანუა.
„ლირიკის“ მომხმარებლები, როგორც წესი, სვამენ 3 აბს ერთ მიღებაზე (დღეში სადღაც 900 მილიგრამს), და იმეორებენ ერთი დღე-ღამის შემდეგ. მისის მიღებიდან ძალიან მალე ქრება ჯადოსნური და ორგანიზმი სულ უფრო მეტი დოზით თხოულობს ხელახალ მიღებას. სპეციალისტების აზრით, თუ ნარკომანი შეწყვეტს „ლირიკას“, ეს იწვევს მისი ფსიქიკური მდგომარეობის რღვევას – ეუფლება საშინელი შიში და თვითონაც არ იცის რატომ ან რის მიმართ, აუხსნელი განგაში, არაფერს ჭამს, არ სვამს, ხდება ძალაგამოცლილი.
თავისი შეგრძნებები გაგვიზიარა ადამიანმა, რომელმაც რამდენჯერმე მიიღო „ლირიკა“: „თვდაპირველად მე არაფერი მიგრძვნია, ნახევარი სთ-ს შემდეგ კი იმხელა ენერგიის მოზღვავება დაიწყო, თითქოს სუპერმენი გავხდი, არაფრის გეშინია და შეგიძლია რაც გინდა ის გააკეთო. მეორე დღეს ძალა გამომეცალა, სულელური შეგრძნება გეუფლება, რადგან ყველაფერი გახსოვს და გესმის, რომ შენ კი არ გაქვს ამხელა ენერგია, ეს ნარკოტიკმა მოგცა- თქვა მომხმარებელმა.
ნარკოდისპანსერის მთავარი ექიმი ირმა ანუა თვლის, რომ „ლირიკა“ თავიდანვე იყო შექმნილი ნარკომანებისთვის, რასაც სახელწოდებაც ამასტურებს. რატომ არ დაარქვეს „პრეგაბალინი“, რომელიც ამ პრეპარატის აქტიური კომპონენტია? შეიძლება ეხლა მე რომელიღაც ფარმაცეპტული მაფიის წინააღმდეგგამოვდივარ, მაგრამ სხვა ბევრი პრეპარატიცაა, რომელთაც ექიმები მშვენივრად იყენებენ. „ლირიკას“ უნიშნავენ, როცა საჭირო ხდება ტკივილების კუპირება იმ პაციენტებში, რომლებსაც ფიბრომიალგიები (კუნთების დამაუძლურებელი ტკივილები) და ნეიროპათიული ეტიოლოგიის ტკივილები (სხვადასხვა ნევრალგია და ფანტომური ტკივილები)აწუხებთ. ასეთ შემთხვევებში ექიმები უნიშნავენ სხვა წამლებს მაგრამ არა „ლირიკას“. ამის ბევრი მაგალითია. ჩვენი ნარკომანები კი აღმოჩნდნენ „ლირიკის“ ხიბლში ტყვეობაში.
სპიციალისტების აზრით,ლირიკას ხმარობენ მეტადონის, რომელიც იაფიარ ღირს, ხმარებისგან გამოწვეული „ლომკების“ (- ნარკომანების სლენგი -ფიზიკური და ფსიქიკური მოშლილობის მწვავე შეგრძნება) მოსახსნელად. საშუალოდ, ჩვეულებრივი სოხუმელი ნარკომანი, რომელიც დამოკიდებულია მეტადონზე, თვეში, დაახლოებით 40 000 რუბლს ხარჯავს. ანუას თქმით, ნარკომანები იმიტომ ხმარობენ მეტადონს, რომ უფრო დიდ ხანს გრძნობენ მის ზემოქმედებას. 2-3 თვეში ნარკომანები დამოკიდებულები ხდებიან მეტადონზე, მაგრამ აფხაზეთში ხშირად დაბალი ხარისხის,შერეულიმეტადონი იშოვება. ასეთი ნარკოტიკის ხმარების შემდეგ, მეორე დღეს ნარკომანი ცუდად გრძნობს თავს.
რაც შეეხება ხარისხიანი მეტადონის მიღებას: პირველ დღეს ნარკომანი თავს ძალიან კარგად გრძნობს, მეორე დღეს ნაკლებად, მესამე დღეს არ ავადმყოფობს და თითქოს ყველაფერი ნორმალურადაა. მეოთხე დღეს იწყება უძილობა, მეხუთე დღეს კი უჩნდება სურვილი რამე „გაიჩხიროს“. ნებისმიერ შემთხვევაში, მას არ აქვს მკაფიოდ გამოხატული აბსცინენტული სინდრომი. ამ სინრომის პირველივე სიმპტომების გაჩენისას, ნარკომანი ღებულობს „ლირიკას“ და რჩება რამდენიმე დღე ახალი დოზის საშოვნელად. სხვათაშორის, „ლომკები“ გრძელდება გარკვეული დროის განმავლობაში. თუკი ჰეროინის „ლომკები“ მთავრდება შვიდ დღეში, მეტადონის იწყება მისი მიღებიდან მხოლოდ 10 დღის შემდეგ. „ლომკების“ მოლოდინი ძალიან დამთრგუნველად მოქმედებს ნარკომანზე.
აფხაზეთში დღეისთვის სიტუაცია არ იცვლება. ნარკოდისპანსერში აღრიცხვაზე აყვანილია
2 282 ადამიანი, მათგან 1331 – ალკოჰოლდამოკიდებულია, ხოლო 951 – ნარკომანია.
