მე შევითავსე ორივე ფუნქცია და ვფიქრობ, რომ პრემიერ-მინისტრობა და პარტიის თავმჯდომარეობა ორივე ერთად ძალიან კარგ შესაძლებლობას მომცემს, გავაკეთოთ ძალიან ბევრი კარგი საქმე და ამის ყველა წინაპირობა არსებობს,- ამის შესახებ „ტელეიმედის“ გადაცემაში „ქრონიკის სტუდია“ საქართველოს პრმიერ-მინისტრმა, გიორგი კვირიკაშვილმა განახცადა.
კითხვაზე, წინასაარჩევნო პერიოდში სად იქნება პრემიერი, უფრო ხშირად კანცელარიაში, თუ პარტიულ შტაბში, ერეკლეს მოედანზე, გიორგი კვირიკაშილი პასუხობს – “მაქვს საკმაოდ რთული ამოცანა, შევუთავსო ერთმანეთს პრემიერ-მინისტრობა და პარტიის თავმჯდომარეობა”.
„ჩემი სამუშაო დროის 80%-ზე მეტი პრემიერ-მინისტრობას ეთმობა და ეს ბუნებრივიცაა, იმდენად გადატვირთულია პრემიერ-მინისტრის გრაფიკი, მაგრამ ალბათ წინასაარჩევნო პროცესში ეს პროპორცია შეიცვლება. უფრო მეტად გადავერთვები წინასაარჩევნო პროცესებზე და გარკვეულად დავაბალანსებ ამ დროს“,-აღნიშნა გიორგი კვირიკაშვილმა.
კითხვაზე, გაუძღვება თუ არა ამ დროის განმავლობაში მთავრობის ხელმძღვნალობას დიმიტრი ქუმსიშვილი , გიორგი კვირიკაშვილმა განაცხადა – „დიმიტრი ქუმსიშვილს ბევრი საკითხი აქვს დელეგირებული, წარმატებით უძღვება სამინისტროების ეკონომიკურ მიმართულებებს და ვფიქრობ, ამ კუთხით სანერვიულო არ მექნება“.