საქართველოს პრემიერ-მინისტრმა მამუკა ბახტაძემ დღეს ოკუპირებულ ტერიტორიაზე მოკლული არჩილ ტატუნაშვილის ოჯახს მიუსამძიმრა.
როგორც „თაიმერს” მთავრობის ადმინისტრაციიდან აცნობეს, ზუგდიდიდან მამუკა ბახტაძე წილკანში, ტატუნაშვილების ოჯახში ჩავიდა და არჩილ ტატუნაშვილის მშობლებს ესაუბრა. პრემიერმა მათ თანადგომა აღუთქვა და აღნიშნა, რომ სახელმწიფო მის ხელთ არსებულ ყველა ბერკეტს გამოიყენებს, რათა ყველა დამნაშავე პირი დაისაჯოს.
