პრემიერის მრჩეველი – ვიზიარებთ იმ საერთაშორისო სულისკვეთებას, რაც თანასწორობისკენ სწრაფვას გულისხმობს

თაიმერი timer.ge
ავტ.: თაიმერი timer.ge მაისი 17, 2020 15:19

პრემიერის მრჩეველი – ვიზიარებთ იმ საერთაშორისო სულისკვეთებას, რაც თანასწორობისკენ სწრაფვას გულისხმობს

ვიზიარებთ იმ საერთაშორისო სულისკვეთებას, რაც თანასწორობისკენ სწრაფვას გულისხმობს,- ასე ეხმაურება პრემიერ-მინისტრის მრჩეველი ადამიანის უფლებათა და გენდერული თანასწორობის საკითხებში ლელა აქიაშვილი
ჰომოფობიასთან, ტრანსფობიასა და ბიფობიასთან ბრძოლის საერთაშორისო დღეს.
სოციალურ ქსელ “ფეისბუქში” საკუთარ გვერდზე პრემიერის მრჩეველი წერს, რომ
საქართველოს კონსტიტუციის მე-11 მუხლის თანახმად „ყველა ადამიანი სამართლის წინაშე თანასწორია. “აკრძალულია დისკრიმინაცია რასის, კანის ფერის, სქესის, წარმოშობის, ეთნიკური კუთვნილების, ენის, რელიგიის, პოლიტიკური ან სხვა შეხედულებების, სოციალური კუთვნილების, ქონებრივი ან წოდებრივი მდგომარეობის, საცხოვრებელი ადგილის ან სხვა ნიშნის მიხედვით.“
საქართველოს კონსტიტუციის პრინციპების აღსრულება თითოეული ჩვენგანის ვალია. ამას გარდა, ვაცნობიერებთ თანასწორობის უფლების დაცვის მნიშვნელობას ქვეყნის კეთილდღეობისა და განვითარებისთვის.

საქართველოს კანონმდებლობა ევროპულ კანონმდებლობასთან თანხვედრაშია, არ ზღუდავს თანასწორობის უფლებას. დღეს ჩვენი ამოცანაა თანასწორობის უფლების პრაქტიკული განმტკიცება, მათ შორის სექსუალური, ეთნიკური თუ რელიგიური უმცირესობების მიმართ.

თანასწორ და ძალადობისგან თავისუფალ გარემოში ცხოვრება თითოეული ჩვენი მოქალაქის უფლებაა”, – აცხადებს ლელა აქიაშვილი.

თაიმერი timer.ge
ავტ.: თაიმერი timer.ge მაისი 17, 2020 15:19

Google სტატისტიკა


3,363
ვიზიტორი
დღეში
Powered By Google Analytics