პრემიერ-მინისტრმა სამცხე-ჯავახეთის მუნიციპალიტეტების მერებთან ხაზი გაუსვა მოქალაქეებისთვის პრიორიტეტული პროექტების განხორციელების აუცილებლობას

საქართველოს პრემიერ-მინისტრი ირაკლი ღარიბაშვილი ადგილობრივი თვითმმართველობის არჩევნებში გამარჯვებულ მერებს ხვდება. მთავრობის მეთაურმა მორიგი შეხვედრა სამცხე-ჯავახეთის რეგიონის მუნიციპალიტეტების მერებთან გამართა. მთავრობის ადმინისტრაციაში გამართულ შეხვედრას სახელმწიფო რწმუნებული სამცხე-ჯავახეთის მხარეში ბესიკ ამირანაშვილი ესწრებოდა.

ირაკლი ღარიბაშვილმა სამცხე-ჯავახეთის მუნიციპალიტეტების მერებთან მოქალაქეების საჭიროებების დროულად და ეფექტურად გადაჭრის აუცილებლობაზე ისაუბრა და ხაზი გაუსვა მოსახლეობისთვის პრიორიტეტული პროექტების განხორციელების მნიშვნელობას.

მთავრობის მეთაურმა მერებს პირადი და ცენტრალური მთავრობის მაქსიმალური მხარდაჭერა დაუდასტურა.

შეხვედრაზე სამცხე-ჯავახეთის რეგიონში დაგეგმილი პროექტები და ინიციატივები მიმოიხილეს.

წინა სტატიაშიპრემიერ-მინისტრმა რაჭა-ლეჩხუმისა და ქვემო სვანეთის მუნიციპალიტეტების მერებს მოსახლეობასთან მჭიდრო კომუნიკაციისა და პროექტების განხორციელებაში უშუალო ჩართულობისკენ მოუწოდა
შემდეგი სტატიამიშელი: საქართველოში როდესაც ვიმყოფებოდი, დავინახე დაპირისპირებულ მხარეებს შორის შუამავლობის შესაძლებლობა