საქართველოს პრემიერ-მინისტრის ბრძანებით, ამ დროისთვის მხოლოდ საქართველოს საგარეო საქმეთა მინისტრის მოადგილეები არიან დანიშნული.
მთავრობის ოფიციალურ ვებგვერდზე გამოქვეყნებული ინფორმაციის მიხედვით, პრემიერმა ხელი მოაწერა ბრძანებებს, რომელთა მიხედვითაც, საგარეო უწყების ხელმძღვანელის, მიხეილ ჯანელიძის მოადგილეებად დაინიშნენ დავით ჯალაღანია, დავით დონდუა, ზვიად გონაძე, ხათუნა თოთლაძე, ვახტანგ მახარობლიშვილი, დავით ზალკალიანი.
ამასთან, მთავრობის ვებგვერდზე განთავსებულია ინფორმაცია დანარჩენი მინისტრების მოადგილეებისთვის უფლებამოსილების შეწყვეტის შესახებ, თუმცა ბრძანებები მოადგილეების დანიშვნის შესახებ გამოქვეყნებული არ არის.
არსებული ინფორმაციით, მოადგილეების დანიშვნის პროცესი 29 ნოემბერს უნდა დასრულდეს.