პრემიერ-მინისტრმა დიპლომატიურ კორპუსს წინასაახალწლო მიღებაზე უმასპინძლა

საქართველოს პრემიერ-მინისტრმა ირაკლი ღარიბაშვილმა საქართველოში აკრედიტებულ ელჩებსა და საერთაშორისო ორგანიზაციების წარმომადგენლებს წინასაახალწლო მიღებაზე უმასპინძლა.
მთავრობის მეთაურმა დიპლომატიურ კორპუსს საქართველოსა და ქართველი ხალხის მეგობრობისთვის მადლობა გადაუხადა.
ირაკლი ღარიბაშვილმა აღნიშნა, რომ საქართველოს მთავრობა აფასებს მეგობარი სახელმწიფოებისა და დიპლომატების მხარდაჭერას, მათ შორის პანდემიის პერიოდში.
„ჩემი მთავრობისა და ქართველი ხალხის სახელით მადლობას გიხდით ყველაფრისთვის, რასაც ჩვენი ქვეყნისა და ხალხისთვის აკეთებთ“, – მიმართა მთავრობის მეთაურმა დიპლომატებს.
ოფიციალურ მიღებას საქართველოს მთავრობის წევრები დაესწრნენ.

წინა სტატიაშიზურაბიშვილი: გადავლახოთ ზოგიერთი მთავარი უთანხმოება
შემდეგი სტატიაირაკლი ღარიბაშვილი – პროფესიულ დღეს ვულოცავ საჯარო მოხელეებს, 2022 წლიდან საჯარო მოხელეების ხელფასის 10-პროცენტიანი ზრდის გადაწყვეტილება უკვე მივიღეთ და ეს იქნება არა ერთჯერადი, არამედ მომდევნო წლების ტენდენცია