პრემიერ-მინისტრი სასწავლო დაწესებულების თანამშრომლებს მოუწოდებს, მაღალი ეპიდემიოლოგიური რისკის რეგიონებში ყოფნის შემთხვევაში, თავი შეიკავონ სამსახურში გამოცხადებისგან

საქართველოს პრემიერ-მინისტრი გიორგი გახარია მასწავლებლებს და სასწავლო დაწესებულების თანამშრომლებს მოუწოდებს, 15 აგვისტოდან აჭარაში, ან სხვა, მაღალი ეპიდემიოლოგიური რისკის მატარებელ რეგიონებში ყოფნის შემთხვევაში, თავი შეიკავონ სამსახურში გამოცხადებისგან.

„მინდა, მოვუწოდო ყველა იმ ადამიანს, პირველ რიგში მასწავლებელს, ან სასწავლო დაწესებულების თანამშრომელს, რომლებიც ბოლო ორი კვირის განმავლობაში, ან 15 აგვისტოდან იმყოფებოდნენ აჭარაში, ან სხვა ეპიდემიოლოგიური რისკების მატარებელ რეგიონებში, რა თქმა უნდა, ორი კვირის განმავლობაში თავი შეიკავონ, საქმის კურსში ჩააყენონ შესაბამისი სამინისტრო – განათლების სამინისტრო, თავიანთი უწყებები და თავი შეიკავონ სასწავლო წლის პირველი ორი კვირის განმავლობაში სამსახურში გამოცხადებისგან“, – განაცხადა პრემიერმა მთავრობის დღევანდელ სხდომაზე.

banner
წინა სტატიაშიგიორგი გახარია : მიუხედავად იმისა, რომ ჯანდაცვის სამინისტრო და ჰოსპიტალური სისტემა სრულად არის მზად პაციენტების მისაღებად, ყველაფერი უნდა გავაკეთოთ, რათა ხანდაზმულებს ვირუსით ინფიცირების შემთხვევები ავარიდოთ
შემდეგი სტატიაგიორგი გახარია : ქორწილმა, რომელიც თბილისში ჩატარდა, ხუთი დამატებითი კლასტერი შეგვიქმნა, ამ წერტილებში ინფიცირების ზრდას ველოდებით