ქალაქის ადმინისტრაცია ამ გადაწყვეტილებას იმით ხსნის, რომ საქართველო არათუ ღვინის ქვეყანაა, არამედ, ღვინის წარმოების უძველესი ტარდიციაც აქვს.
საერთოდ, საფრანგეთის ქალაქი ბორდო ღვინის ცივილიზაციის ცენტრად ითვლება. 2017 წლის ივლისსა და აგვისტოში, ამ ქალაქში საქართველო, როგორც საპატიო სტუმარი, მასშტაბურ გამოფენას – „ვენახი-საქართველო“ წარმოადგენს. საქართველოს სოფლის მეურნეობის მინისტრ ოთარ დანელიასა და ღვინის კულტურის ფონდის ხელმძღვანელ სილვია კაზს შორის შესაბამისი ხელშეკრულება უკვე გაფორმდა.
შეგახსენებთ: 2013 წელს, იუნესკო-მ ქვევრში ქართული ღვინის დაყენების ტრადიცია კაცობრიობის კულტურული მემკვიდრეობის სიაში შეიყვანა.
