ფრანგული გამოცემა “ფიგარო” მიხეილ სააკაშვილის ჯანმრთელობის მძიმე მდგომარეობაზე წერს და მას პუტინის მტრად მოიხსენიებს. ვრცელ პუბლიკაციაში სათაურით – “საქართველო შორდება ევროკავშირს მოსკოვის ორბიტაზე დასაბრუნებლად”, მესამე პრეზიდენტის სასამართლო პროცესი პოლიტიკურადაა შეფასებული
“ახლა, როდესაც დონბასში ბრძოლა ჯერ კიდევ მძვინვარებს, საბჭოთა კავშირის ყოფილ ტერიტორიებზე ომი სხვა გზებით გრძელდება. ვლადიმერ პუტინის ყოფილი ნომერი პირველი მტერი, მიხეილ სააკაშვილი, რომელმაც 2003 წლის ვარდების რევოლუციის შემდეგ თავისი ქვეყანა, საქართველო, იძულებითი, ფორსირებული რეფორმების წყალობით დასავლურ დემოკრატიულ ოჯახს მიაჯაჭვა, ნელი სიკვდილით კვდება ციხეში 54 წლის ასაკში – ნათქვამია ფრანგული გამოცემა “ფიგაროს” პუბლიკაციაში.
