რუსმა ჟურნალისტმა, საბჭოთა პროპაგანდისტმა ვლადიმერ პოზნერმა რუსულ მედიასთან, NEWS.ru-სთან, განაცხადა, რომ ის საქართველოში დაბრუნდება.
“მე იქ კიდევ წავალ, რატომაც არა? ასეთ შესაძლებლობას საერთოდ არ გამოვრიცხავ. მე იქ ბევრი მეგობარი მყავს, როგორმე აუცილებლად წავალ საქართველოში”, – ამბობს ვლადიმირ პოზნერი.
რუსი ჟურნალისტი ვლადიმერ პოზნერი მეგობრებთან ერთად, 31 მარტს საქართველოში დაბადების დღის აღსანიშნავად ჩამოვიდა, რასაც სამოქალაქო პროტესტი მოჰყვა.პოზნერს თანმხლებ პირებთან ერთად საქართველოს დატოვება დაგეგმილზე ადრე მოუწია.