ტელეკომპანია „პირველებთან“ საუბრისას ფოტოგრაფმა ლევან ზაზაძემ განაცხადა, რომ „შაბათის მარშის“ მიმდინარეობისას მასზე მომხდარი თავდასხმა წინასწარ დაგეგმილ პროვოკაციას ჰგავდა.
ფოტოგრაფის თქმით, ინციდენტი მაშინ დაიწყო, როდესაც საკურიერო კომპანიის ჩანთითა და ჩაფხუტით გადაადგილებულმა პირმა მოპედი გააჩერა და აქციის მონაწილეების მისამართით სიტყვიერი შეურაცხყოფის მიყენების შემდეგ, ფიზიკურ დაპირისპირებაზე გადავიდა.
სამოქალაქო აქტივისტების ინფორმაციით, იმავე პირმა ფიზიკურად იძალადა თამუნა გიორგაძეზეც.
თავდამსხმელი შემთხვევის ადგილიდან პოლიციამ სამსახურებრივი ავტომანქანით გაიყვანა.
