ფოთის ჰოსპიტლის ბოქსირებულ პალატაში დღეს მოთავსებულ პაციენტს ახალი კორონავირუსი არ დაუდგინდა. ახალგაზრდა ქალმა გრიპის სიმპტომებით კლინიკას მას შემდეგ მიმართა, რაც ბოლნისისა და მარნეულის მუნიციპალიტეტები საკარანტინო ზონებად გამოცხადდა. როგორც ის აღნიშნავდა, რამდენიმე დღის წინ კონტაქტი ჰქონდა ბოლნისის მკვიდრთან.
ექიმების განცხადებით, პაციენტს რენტგენოლოგიურად პნევმონია დაუდასტურდა, თუმცა, კვლევებით, ახალი კორონავირუსი, COVID19 არ დაუდგინდა.