ფოთის „ცხელების ცენტრის“ ორ მცირეწლოვან პაციენტს ლანჩხუთიდან კორონავირუსი არ დაუდგინდა

ფოთის ჰოსპიტალში განთავსებულ ე.წ ცხელების კლინიკაში ცხელებითა და რესპირატორული სიმპტომებით მოთავსებულ ორ მცირეწლოვან პაციენტს კორონავირუსი არ დაუდგინდა.

ფოთის ჰოსპიტლის დირექტორის, თეა მიგინეიშვილის ინფორმაციით, ამჟამად ორივე მცირეწლოვანი კლინიკიდან გაწერილია.

„ჩვენს კლინიკაში მოთავსებულ წლისა და ხუთი თვის გოგონას, ასევე, ექვსი თვის ბიჭს ლანჩხუთიდან „კოვიდ-19“ არ აღმოაჩნდათ. მათი ბიოლოგიური მასალა გაგზავნილი იყო ზუგდიდის ინფექციური საავადმყოფოს ლაბორატორიაში „პისიარ“ კვლევისთვის. მათ აღენიშნებოდათ ცხელება და სხვა რესპირატორული სიმპტომები და მოთავსებულები იყვნენ ბოქსირებულ პალატებში. ორივე მათგანი უკვე გავწერეთ კლინიკიდან. მათი ჯანმრთელობის მდგომარეობა დამაკმაყოფილებელია“, – განაცხადა ფოთის ჰოსპიტლის დირექტორმა, თეა მიგინეიშვილმა.

banner
წინა სტატიაშიანაკლიის საკარანტინო სივრცეში ამ დროითვის 71 პირი იმყოფება
შემდეგი სტატიასაგანგებო მდგომარეობა და კომენდანტის საათი უქმდება – პრემიერის განცხადება