ფოთის ცენტრალური ბაზრის შესასვლელში ადმინისტრაციის გადაწყვეტილებით, მოქალაქეების ქაღალდის კუპიურები ცხელი უთოთი უთოვდება და ისე უბრუნდება მის მფლობელს, ხურდა ფული კი ანტისეპტიკური ხსნარით მუშავდება. მიმდინარეობს მოქალაქეთა თერმოსკრინინგი და ურიგდებათ ხელთათმანები.
,,ფოთის აგრარული ბაზრის შენობა კაპიტალურია, მასში შესვლა და გამოსვლა ერთმანეთისგან დამოუკიდებელი ორი კარით ხდება. შესვლისას მოქალაქეები იცავენ სოციალურ დისტანციას. პროდუქტის შეძენისას, რეალიზატორები მოქალაქეებს უბრუნებენ ფულს, რომელიც დამუშავებულია სპეციალური სადეზინფექციო ხსნარით.
“მივმართავთ იმ ადამიანებს, რომლებიც სხედან გარე ტერიტორიაზე და ეწევიან გარე ვაჭრობას. შემოვიდნენ ბაზრის ტერიტორიაზე, აქ უსაფრთხოების ყველა ზომაა დაცული. ვიდრე ქვეყანაში საგანგებო მდგომარეობაა, ჩვენ მათ შევუწყობთ ხელს და ამისათვის ქირას არ გადავახდევინებთ”- განაცხადა ბაზრის დირექტორმა, ნოდარ კორსანტიამ.
სამეგრელო-ზემო სვანეთის გუბერნატორის გადაწყვეტილებით სენაკისა და ზუგდიდის ბაზრები დაიხურა.
https://youtu.be/v02OqBGowaQ
