უკრაინის პრეზიდენტის პეტრე პოროშენკოს გვერდზე გამოჩნდა პეტიცია, თხოვნით, ქვეყნის ექს-პრემიერი დონბასში შეიარაღებული ძალების შემადგენლობაში გააგზავნოს საომარ ზონაში.
“გთხოვთ, მხარი დაუჭიროთ არსენ იაცენიუკის ანტიტერორისტული ოპერაციის ზონაში უკრაინის შეიარაღებული ძალების შემადგენლობაში გაგზავნას” – ნათქვამია შეტყობინების ტექსტში.
პეტიციას ხელი ჯერჯერობით 22-მა ადამიანმა მოაწერა.
შეგახსენებთ, რომ არსენ იაცენიუკმა პრემიერის თანამდებობა საკუთარი თხოვნის საფუძველზე დატოვა, რასაც დღეს რადამ მხარი დაუჭირა.