კრემლში, უკრანის პრეზიდენტის პეტრე პოროშენკოს სურვილს დონბასის დაბრუნებასთან დაკავშირებით, მხარს დაუჭერენ, თუკი ეს მხოლოდდამხოლოდ ჰუმანურობით არის ნაკარნახევი -ამის შესახებ რუსეთის პრეზიდენტის პრეს-მდივანმა დიმიტრი პესკოვმა განაცხადა.
“თუკი ის დონბასის დაბრუნებას ჰუმანური მოსაზრებებიდან გამომდინარე აპირებს, ასეთი განცხადება შესაძლებელია მხარდაჭერილ იქნას, რისი იმედიც ჩვენ მოსკოვში გვაქვს” – განაცხადა პესკოვმა, რომელმაც ყირიმის ანექციის შესახებ პოროშენკოს განცხადებაზე კომენტარს თავი აარიდა.
უკრაინის პრეზიდენტმა პეტრე პოროშენკომ დონბასის და ყირიმის დაბრუნების შესახებ განცხადება გუშინ ნადეჟდა სავჩენკოსთან ერთად გამართულ პრეს-კონფერენციაზე გააკეთა. “ჩვენ ისე დავიბრუნებთ ყირიმს და დონბასს, როგორც ნადეჟდას” – განაცხადა პოროშენკომ.