ევროპული საქართველოს ერთ-ერთი ლიდერის, გიგა ბოკერიას შეფასებით, ფორმულას ტელეწამყვან ვახო სანაიაზე თავდასხმა “თავისუფლების, საქართველოს სუვერენიტეტისა და დემოკრატიის წინააღმდეგ ბრძოლის გამოვლინებაა”.
“ის ატმოსფერო, რომელსაც ქმნის ივანიშვილის პროპაგანდა წლების განმავლობაში, განსაკუთრებით, ბოლო პერიოდში, როდესაც [ირაკლი] ღარიბაშვილის მსგავსი ფიგურა გამოდის წინა პლაზე და აქვს ის გზავნილი, რაც აქვს – სიძულვილის, ქვეყნის დაყოფის, დაპირისპირების, ძალადობის და რეპრესიების, ეს ამის პირდაპირი შედეგია. ჩვენ გვაქვს ამ ტიპის ძალადობაზე დაუსჯელობის ისტორია”, – ამბობს გიგა ბოკერია.
ტელეწამყვანი ვახო სანაია მასზე თავდასხმასა მის ჟურნალისტურ საქმიანობას უკავშირებს. იგი ყვება, რომ აგრესია მას შემდეგ დაიწყო, რაც იგი პირბადის გარეშე იცნეს, ამის შემდეგ კი დაიწყეს ტელევიზიების ლანძღვა.
