ფონიჭალაში გუშინ მომხდარი საზარელი ფაქტის შესახებ სხვადასხვა ვერსიები ვრცელდება. ადგილობრივთა ნაწილი ამბობს, რომ 3 წლის გოგონა დაიწვა, რის შემდეგაც ბავშვის დედამ, 35 წლის ქალმა სიცოცხლე თვითმკვლელობით დაასრულა. ადგილობრივებმა მათი ბინიდან გამომავალი კვამლიც შენიშნეს. მათი განცხადებით სახლის კარი ჩაკეტილი იყო და ის შეანგრიეს სახლში შესულებს კი უმძიმესი სურათი დახვდათ. 35 წლამდე ქალბატონი სამზარეულოში გარდაცვლილი იპოვეს მცირეწლოვანი კი საძინებელ ოთახში დამწვარი იყო. შეგახსენებთ, რომ ზემო ფონიჭალაში დედა-შვილი გარდაცვლილები ბინაში ნახეს. გავრცელდა ვერსია, რომ ისინი ბინაში ძარცვის მიზნით მოკლეს, თუმცა შსს-ს მიერ გავრცელებული ინფორმაციით, ფული და ძვირფასეულობა სამართალდამცველებს ბინაში დახვდათ, შესაბამისად ვერსია დიდი ალბათობით გამოირიცხა.
მომხდარზე გამოძიება გრძელდება.
