რუსი ოკუპანტების მიერ, 27 ივნისს ქალაქ კრემენჩუკის სავაჭრო ცენტრზე განხორციელებული სარაკეტო იერიშის შედეგად დაღუპულთა ხსოვნის პატივსაცემად, პოლტავას ოლქის ტერიტორიაზე 28, 29 და 30 ივნისი გლოვის დღეებად გამოაცხადა, – ამის შესახებ ინფორმაციას პოლტავას რეგიონული სამხედრო ადმინისტრაციის უფროსი, დიმიტრი ლუპინი საკუთარ ტელეგრამ არხზე ავრცელებს.
ლუპინი წერს, რომ გლოვის ნიშნად უკრაინის სახელმწიფო დროშა შავი ლენტით ჩამოიშვება საჯარო დაწესებულებებზე, ადგილობრივი თვითმმართველობის, საწარმოებისა და ორგანიზაციების შენობებზე.
მისივე ცნობით, დაწესდა შეზღუდვები გასართობ ღონისძიებებზე და აიკრძალა გასართობი მუსიკა სავაჭრო და კვების დაწესებულებებში.
