პოლონეთის თავდაცვის მინისტრი ვლადისლავ კოსინიაკ-კამიში ინფორმაციას ავრცელებს, რომ პოლონურმა გამანადგურებლებმა ბალტიის ზღვის თავზე რუსულ სადაზვერვო თვითმფრინავს გზა გადაუჭრეს.
“შუადღემდე, ბალტიის ზღვის თავზე, ქალაქ ლებას ჩრდილო-დასავლეთით 60 კილომეტრში, ჩვენი თვითმფრინავების მორიგე წყვილმა რუსულ სადაზვერვო თვითმფრინავ „ილ-20“-ს გზა გადაუჭრა. ჩვენი საჰაერო სივრცის დარღვევას ადგილი არ ჰქონია. თვითმფრინავი საერთაშორისო საჰაერო სივრცეში ფრენის გეგმის გარეშე, გათიშული ტრანსპონდერით დაფრინავდა. პოლონეთის რესპუბლიკის შეიარაღებული ძალები უწყვეტად აკონტროლებენ ჩვენს უსაფრთხოებას აღნიშნულ ზონაში და საზღვრის დასაცავად შესაბამის ზომებს იღებენ.”,- წერს პოლონეთის თავდაცვის მინისტრი ვლადისლავ კოსინიაკ-კამიში.
