პოლონეთის სპეცსამსახურებმა ჯაშუშობაში ეჭვმიტანილი რუსეთის მოქალაქე დააკავეს, – ამის შესახებ BBC იუწყება.
მამაკაცს, რომელიც პოლონეთში უკვე დიდი ხანია ცხოვრობს, წინასწარი პატიმრობა შეუფარდეს.
რუსი ბიზნესმენი, სავარაუდოდ, აგროვებდა ინფორმაციას ქვეყანაში დისლოცირებული როგორც პოლონეთის, ასევე ნატოს ჯარების სამხედრო მზადყოფნის შესახებ.
გასულ კვირას ჯაშუშობის ბრალდებით პოლონეთში ბელარუსის ორი მოქალაქეც დააკავეს, რომლებიც, სავარაუდოდ, ქვეყანაში სტრატეგიული თავდაცვის ობიექტების შესახებ ინფორმაციას აგროვებდნენ.
