გასულ კვირას, ლეგნიცას პოლიციამ საქართველოს 43 წლის მოქალაქე დააკავა. მამაკაცი ლეგნიცასა და სხვა ქალაქების აფთიაქებს ძარცვავდა, რათა მოგვიანებით პარფიუმერია და კოსმეტიკა გაეყიდა. როგორც პოლონური მედია წერს, ეს იყო მისი შემოსავლის მუდმივი წყარო.
ლეგნიცას მუნიციპალური პოლიციის მთავარი სამმართველოს ქონებრივი დანაშაულის წინააღმდეგ ბრძოლის დეპარტამენტის თანამშრომლებმა 43 წლის მამაკაცი მას შემდეგ დააკავა, რაც მან ქალაქის ერთ-ერთ აფთიაქში ქურდობა ჩაიდინა. დაკავებულთან მუშაობისას პოლიციამ დაამტკიცა, რომ მან ბოლო პერიოდში ბევრი ასეთი დანაშაული ჩაიდინა.
გაირკვა, რომ მამაკაცი სხვა ქალაქებშიც მუშაობდა. ის იპარავდა ქიმიურ პროდუქტს, სუნამოებსა და კოსმეტიკას და შემდეგ ყიდდა. ეს იყო მისი შემოსავლის მუდმივი წყარო,-წერს პოლონური მედია. მათივე ინფორმაციით, მისმა ზარალმა თითქმის 38000 PLN შეადგინა. მას ასევე ჰყავდა თანამზრახველი, ასევე საქართველოს მოქალაქე, რომელიც ვროცლავში დააკავეს.
დანაშაული 5 წლამდე ვადით თავისუფლების აღკვეთას ითვალისწინებს.
