პოლონეთის, ჩეხეთისა და უნგრეთის ნატოში შესვლის 20 წლისთავთან დაკავშირებული ცერემონია 10 მარტს ვარშავაში გაიმართა. ღონისძიების საპატიო სტუმრები იყვნენ ჩეხეთის პრემიერი ანდრეი ბაბიში და უნგრეთის პრემიერ-მინისტრი ვიქტორ ორბანი.
“ჩვენმა ქვეყნებმა დაამტკიცეს, რომ ნატოს მნიშვნელოვანი წევრები არიან, ალიანსმა კი დაამტკიცა, რომ ჩვენი საერთო უსაფრთხოების გარანტი იქნება” – პოლონეთის პრემიერ-მინისტრმა მათეუშ მორავეცკიმ თქვა – “დოიჩე ველე” წერს.
პოლონეთი, უნგრეთი და ჩეხეთი ჩრდილოატლანტიკურ გაერთიანებაში 1999 წლის 12 მარტს შევიდნენ.
