პოლონეთის თავდაცვის სამინისტროში ადასტურებენ უკრაინისთვის ამერიკული შეიარაღების მიწოდების განახლებას. ამის შესახებ სოციალურ ქსელ X-ში პოლონეთის თავდაცვის მინისტრის მოადგილემ, პაველ ზალევსკიმ დაწერა.
„ამერიკული იარაღის ტრანსპორტირება იასიონკას სამხედრო ჰაბიდან უკრაინაში კვლავ განახლდა“, – დაწერა მან.
იასიონკაში მდებარეობს პოლონეთიდან უკრაინისთვის დასავლური იარაღისა და საბრძოლო მასალის ტრანსპორტირების მთავარი პუნქტი.
